30 அக்டோபர் 2017

எங்கள் நிறுவன வளர்ச்சியில் சுவிஸ் மண்ணின் மைந்தர்கள்.

புலம்பெயர்ந்து தன் நாட்டுக்கு வருவோரை இருகரம் அணைத்து வரவேற்றாலும் அன்னியர் தங்களை விட வசதி வாய்ப்பில் , பதவியில் வளர்வதை சற்றுப்பொறாமையோடு நோக்கும் குணம் சுவிஸ் மக்களிடமும் உண்டு. அதிலும் வயதில் மூத்தவர்களிடம் தங்கள் நாட்டின் வளம் குறைக்க, வந்த பாதகர்கள் என்பதான எண்ணமும் இங்குண்டு.
சிலர் இதற்கு விதிவிலக்காக இருந்தாலும் பல முதியோர் புலம்பெயர்ந்து நிறம் குறைந்தோரை ஒரு படி கீழிறக்கியே வைத்திருப்பார்கள்.
ஆனாலும் எங்கள் Hegas Catering Services ஆரம்ப காலம் முதல் சுவிஸ் மண்ணின் மைந்தர்கள் ஆதரவோடும், பல முன்னனி நிறுவனங்களின் நல்லாசிகளோடும் தான் வளர்ந்து கொண்டிருக்கின்றது.
2011 ஆம் ஆண்டில் Annamaria அவர்களின் 99 ஆவதும் அவர் மகளின் 77 ஆவதுமான பிறந்த நாளை எங்கள் நிர்வாகத்தின் ஒழுங்கமைப்பில் இந்திய இலங்கை சுவிஸ் உணவுகளினை சுவைத்து மகிழ்ந்து சுவிஸ்மக்களையும் கவர்ந்திழுக்க முடியும் எனும் நம்பிக்கையை கொடுத்து எங்கள் வளர்ச்சிக்கு ஆரம்ப வித்தினை இட்டார்கள்.
அதன் பின் பல சுவிஸ் மக்கள் தங்கள் 40. 50. 65. 70 . 75. 85 என கொண்டாடிக்கொண்டிருக்கின்றார்கள்.
கடந்த வாரம் Zimmermann , Unterseen அவர்களின் வீடு கட்டி எண்பதாவது ஆண்டு நிறைவை குடும்பத்தினர் அனைவரோடும் எங்கள் உணவகத்தில் வந்து கொண்டாடினார்கள் என்பதுடன் அவர் மனைவி லில்லியின் 85 ஆவது பிறந்த நாளையும் எங்கள் விழா மண்டபத்தில் தான் குடும்ப அங்கத்தவரோடு விருந்துண்டு கொண்டாடினார்கள்.
நிறுவன வளர்ச்சியில் இந்த நாட்டு மண்ணின் மைந்தர்களாம் மூத்தோரின் ஆதரவை பெறுவதும் அவர்கள் நல்மதிப்பை தொடர்ந்தும் தக்க வைத்திருப்பதும் புலம்பெயர்வாழ் மக்களுக்கு கடினமான காரியம் தான் என்றாலும் நாங்கள் இளையோரை மட்டுமல்ல மூத்தோரையும் தொடர் வாடிக்கையாளர்களாக கொண்டிருப்பதை நினைத்து பெருமிதம் அடைகின்றோம்.
பொதுவாக சுவிஸ் மக்களுக்கான விருந்தின் இறுதியில் எங்களை பாராட்டி, அறிமுகம் தந்து கரங்களை தட்டி கனப்படுத்துவார்கள். நேற்றைய நாளில் விருந்தின் முடிவில் எமக்காக இலங்கையிலிருந்து பிரபல்யமான் டிலான் அவர்களின் சிங்கள பாடல் ஒன்றை ஒலிக்க வைத்து எம்மை வரவேற்று கைகளை தட்டி ஆரவாரித்து கௌரவப்படுத்தியதை மறக்க முடியாது.
Andreaskapelle Ex Paster Schack Siegfried 
Pfingstgemeinde Thun அவர்களின் 75 ஆவது பிறந்த நாள் விழா 28.10.2017 எங்கள் விழா மண்டபத்தில் கொண்டாட்டத்தின் இறுதியில் டெசட் பவ்வே ஆரம்பமான போது தான் புகைப்படம் எடுகக் வேண்டும் என நினைவில் வந்தது.

வெல்கம் குடிபானங்கள். சிற்றுண்டிகள் மற்றும் மெயின் கோர்ஸ் அனைத்தும் பவ்வே முறையில் ஒழுங்கு செய்திருந்தும் அவைகளை புகைப்படம் எடுக்க மறந்து போனேன்.
ஒரே நாளின் நான்கைந்து கேட்டரிங்க் ஆர்டர்களுக்குரிய உணவுகளை தயார் செய்து அனுப்ப வேண்டிய சூழலில் இப்போதெல்லாம் நிகழ்வுகளை புகைப்படமாக்கவோ விடியோவில் பதியவோ நேரம் செலவிட முடிவதில்லை.





வீடியோவை பார்க்கவும் புகைப்படங்களை ரசிக்கவும் இங்கே செல்லுங்கள்.
என் பேஸ்புக்   Nishanthi Prabakaran

என் நிறுவன லைக் பேஜ்   hegas Catering Services
இப்பதிவினை படிக்கும் எம்மவர்கள் எங்கள் உணவின் தரம் சுவை மற்றும் அலங்காரம் போன்றவை குறித்த கருத்தினையும்,  உங்கள்  ரெவ்யுவினையும் லைக் பேஜ்ஜில் இட முடிந்தால் எமக்கு அதுவும் விளம்பரமாக இருக்கும். 

அன்புக்கும் ஒத்துழைப்புக்கும் நன்றி. 

23 அக்டோபர் 2017

இந்த சீதைகள் நிருபித்தது


விம்மித்துடிக்காமல் ஓடி ஒளியாமல்
கண் முன் எரிகின்றாள் - அவள்
நீதியை எரிக்கின்றாள்.
அநீதிக்கு துணை போகும்
அக்கிரமக்காருக்கே
அகிலத்தில் இடமுண்டாம்
அவள் சொல்லிச்செல்கின்றாள்.
பச்சிளம் குழந்தை அது.
கத்திக்கதறவில்லை
பற்றும் தேடவில்லை
தென்றலாய் வருடுவதாய்
எரி தணலை எதிர்வு கொண்டே
நிமிர்ந்தே நிற்கும் அவள்
திட மனதை என்ன சொல்வேன்!!!!!
சட்டி பானையெல்லாம் விற்றும்
வட்டி குட்டி போட
இரத்தப்பசியில் பலிவாங்க
பிணம் தின்னும் கழுகுகளாய்
கொத்திக்குதறத் துரத்த
பசுவும் கன்றுமாக கதறித்துடித்து
நிதம் பதறும் நிலை காண மறுத்து
நெருப்பில் பொசுங்கிடுமுன்
தட்டிய கதவுகளை மூடியே வைத்திருங்கள்.
பாவி அவனென்று சாபம் கொடுத்திடுங்கள்
எத்துணை திடமிருந்தால்
நிமிர்ந்தே நின்றிருப்பாள்?
அத்துணை யாருமின்றி
எதிலியாய் பொசுங்கி
எரிந்து கரிந்து சரிந்தது
அவளுடல் மட்டுமா?
தன்னை நிருபிக்க இராமனின் சீதை தீக்குளித்தாள்
இந்த சீதைகள் நிருபித்தது தேசத்தின் அவமானம்.

படம் இணையத்தில் இருந்து 

28 செப்டம்பர் 2017

புங்குடுதீவு மாணவி வித்தியா கொலை வழக்கு

புங்குடுதீவு வித்யா!
இனிய கனவுகளோடு பட்டாம்பூச்சியாய் சிறகடித்து பறந்து திரிந்த இளம் மாணவியின் சிறகொடித்து உயிர் குடித்தவர்களுக்கான தீர்ப்பு இன்று!
டெல்லி நிர்ப்பயா வழக்கில் கூட பல காரணங்கள் சொல்லி குற்றவாளிகள் விடுவிக்கப்பட்டும் தாமதம் செய்யப்படும் இந்த சூழலில் இலங்கையில் நடைபெற்ற மிகக்கொடூரமான கற்பழிப்பு வழக்கொன்றிற்கான தீர்ப்பு வரவேற்கப்படத்தக்கது, பாராட்டப்படத்தக்கதுமானது .
காலையில் பள்ளிக்கு சென்ற பெண்ணைக்கடத்தி கதறக்கதற சித்திரவதைப்படுத்தி கூட்டுவன்புணர்வு செய்து கொலையும் செய்தமை நிருபிக்கப்பட்ட பின்னும் நீதியின் தராசு தாழ்ந்தும் உயர்ந்தும் பணங்காசுக்கு விலை போக நிர்ப்பந்திக்கப்ப்ட்டும் பலவாறு விமர்சிக்கப்பட்டாலும் இன்றைய தினத்தின் இத்தீர்ப்பு இம்மாதிரி துஷ்டர்களுக்கு கடிவாளம் போடுமா?
நீதிபதி இளஞ்செழியன் தலைமையில் மேல் நீதிமன்ற நீதிபதிகளான பாலேந்திரன் சசிமகேந்திரன், மாணிக்கவாசகர் மற்றும் அன்னலிங்கம் பிரேம்சங்கர் ஆகியோர் அடங்கிய குழு வழங்கிய இத்தீர்ப்புக்கான செயல் திட்டம் எப்படி இருக்கும்?
வித்யா கொலையில் ஒன்பது பேர் மீது வழக்குத்தொடரப்பட்ட நிலையில்ஒன்பது பேரில் ஏழுபேர் குற்றவாளிகள் என நிருபிக்கப்பட்டும் முதல் குற்றவாளியாக விசாரிக்கப்பட்டவர் தகுந்த சாட்சியங்கள் இல்லாமையினால் விடுவிக்கப்பட்டிருக்கின்றார்???
ஏழாம் குற்றவாளியும் விடுவிக்கப்பட்டிருக்கின்றார்?
காதலுக்கு தூது போனதாகவும், நேரடி சாட்சியங்களால் நிருபிக்கப்படவில்லை என இவ்விருவர் விடுதலைக்குமான காரணம் சொல்லப்பட்டிருக்கின்றது. மீதி ஏழு பேருக்கும் மரண தண்டனையும் விதிக்கப்பட்டு தீர்ப்பு வழங்கப்பட்டிருக்கின்றது..
தீர்ப்பு மேல்முறையீட்டுக்கு செல்லுமானால் சிங்கள நீதிபதிகளால் மரண தண்டனை ஆயுள் தண்டனையாக்கப்படும் வாய்ப்பும் உள்ளது. காலத்தின் கோலத்தால் விடுதலையும் செய்யப்படலாம்.
உடனடி தண்டனை என்பதை தவிர இம்மாதிரி சம்பவங்களுக்கான நீதி விசாரனை என்பது காலந்தாழ்த்துதலுக்கும், மறக்கடிக்கப்பட்டு ச்ம்பவங்கள் பத்தோடு பதினொன்றாகி விடுதலுக்கும் தான் இதுவரை பயன் பட்டிருக்கின்றது. வித்யாவுக்கான இத்தீர்ப்பு நடுக்காட்டில் திக்கு திசை தெரியாமல் தடுமாறும் எம்மின மக்களுக்கான ஒளியை நோக்கிய வழிகாட்டும் தீபமாய் உணரப்படலாம். எனினும் தமக்கான நீதி தாமதமானாலும் தரமிழக்காது கிடைக்கும் எனும் நம்பிக்கையை தரும் படி இத்தீர்ப்பு இருக்குமா?
வித்யாவுக்கு பின்னும் இலங்கையில் பல கற்பழிப்புக்கொலைகள் நடந்தப்பட்டிருக்கின்றன. அதற்கான தீர்வுகள் எப்படி நகர்கின்றன?

என் கேள்வி?
இலங்கையில் மரண தண்டனை சட்டம் இன்னும் நிலுவையில் உள்ளதா?
பதிலும் நானே!
தூக்குத்தண்டனை இல்லை. தூக்குத்தண்டனை ரத்து செய்யப்பட்ட நாடுகளில் இலங்கையும் ஒன்றென நினைக்கின்றேன். எங்கோ படித்த நினைவு. மரண தண்டனை வேறு வகையில் இருக்கலாம். ஆனால் என்னைப்பொறுத்த வரை இன்றைய நிலையில் ஈழத்தமிழர்கள் விடயத்தில் இந்த தீர்ப்பு நல்லதொரு விடியல் எனும் நம்பிக்கை தரலாம். ஆனா’லும் நேற்றைய தீலிபனின் நினைவு கூரல் எந்த ஆண்டும் போலல்லாது இவ்வாண்டு சற்று உணர்வு வேகமாய் அனுஷ்டிக்கப்ப்ட்டதன் திசை திருப்பலாகவும் இத்தீர்வு இருக்கலாம். இப்போதெல்லாம் எது நடந்தாலும் அதன் பின் நாம் அறியாத இன்னொன்று உள்ளதே?


தீர்ப்பு குறித்து விபரம் அறிய
http://www.athirady.com/tamil-news/howisthis/1065355.html

24 செப்டம்பர் 2017

பூவோடு சேர்ந்து நாரும்.... இந்தப்பூக்கள் பறிப்பதற்கல்ல!.

17.09.2017 ஞாயிறு நடைபெற்ற பிறந்த நாள் பார்ட்டியில் எங்கள் Hegas Catering Services மூலம் மதிய உணவை ஆர்டர் செய்து எங்கள் உணவின் சுவைக்கும் சேவைக்குமாய் நாங்கள் எதிர்பாராத surprise gift பத்து பிராங்க நோட்டுக்களால் பூத்துக்குலுங்கும் அழகு மரத்தினை தயாரித்து    திக்குமுக்காட வைத்து விட்டார்கள்.  நீண்ட கால வாடிக்கையாளர்களான அவர்களின் அன்புப்பரிசு   எனக்குள் மிகப்பெரிய உற்சாகத்தினை தந்திருந்தது.  டிப்ஸ் என்பது எங்களுக்கு புதிதில்லை தான் எனினும்  எங்களுக்காகவே நேரம் எடுத்து பூ மரக்கன்றை வாங்கி  பத்து பிராங்க நோட்டுக்களையும் அழகாக மடித்து அலங்கரித்து அதை மரத்தின் குட்டிக்கிளைகள் உடையாதவாறு கட்டி எங்கள் வீடு தேடி வந்தமை தான் விஷேசமானது அல்லவா? பூத்திருக்கும் காசு மரத்த்ல் 16 நோட்டுக்கள் இருக்கின்றன. 

யாரும் பறித்து விடாதீர்கள். இந்தப்பூக்கள் பறிப்பதற்கல்ல

 

*********** 
தண்ணீருக்குத்தனி இயல்பு உண்டு என்றாலும் கூட அது சார்ந்து நிற்கும் தன்மைக்கு ஏற்ப தனை மாற்றிக்கொள்ளும் இயல்பும் கொண்டது. அது போலவே தான் மனிதர்களும் தனக்கென தனி இயல்பு இருந்தாலும் சேர்பவர்கள் எப்படிப்பட்டவர்களாக இருப்பார்களோ அப்படிப்பட்டவர்களாகவே ஆகுவதும் உண்டு.
சீர் அழிவதும், சீர் பெறுவதும் நம் சேர்க்கையை வைத்து என்பதைத்தான் நீ உன் நண்பனைச்சொல், நான் உன்னைப்பற்றி சொல்கின்றேன் என சொல்வார்கள். ஒருவர் எப்படிப்பட்டவர் என்பதை அவர் சேரும் நட்புக்களை கொண்டு அவரின் குணாதிசயங்களை புரிந்திட முடியும் என்பார்கள்.
புலம் பெயர்ந்து தாய் நாட்டை விட்டு அன்னிய நாட்டுக்குள் புகுந்து புகுந்த நாட்டின் மொழியும் சூழலும் புரியாமல் தடுமாறும் எங்கள் இளையோருக்கும் இது நன்கு பொருந்தும். அவர்கள் சேரும் இடம் சரியாக இருந்தால் அவர்கள் வாழ்க்கை வளமானதாயும் தீயர்களோடு சேரும் போது தீய வழியிலும் சென்று தங்கள் வாழ்க்கையை கெடுத்தும் குட்டிச்சுவரும் ஆக்கிக்கொள்வர்.
பூவோடு சேர்ந்து நாரும் மணக்கும் என்பார்கள். நல்லவர்களுடன் பழகினால் பூவோடு சேர்ந்த நாரும் மணப்பது போல நாமும் நன்மை அடையலாம். நல்லதை தேர்ந்தெடுப்பது மட்டுமல்ல நல்லவர்களை கண்டடைவதும் முக்கியம்.
சுய நலத்துக்காகவேனும் தீமை என்றறிந்தபின் தீயவைகளை விட்டு விலகி வாழ்வது உங்களுக்கும் உங்களை சார்த்தோருக்கும் என்றும் நன்மை தருவதே!
கடந்த பத்தாண்டு வியாபார அனுபவத்தில் கிட்டத்தட்ட 100 க்கும் அதிகமான இளையோருக்கு ஆரம்ப நிலை வேலை கற்பித்து.. இங்கே இருக்கும் சூழலுக்கு ஏற்ப ஏதேனும் உணவு விடுதியில், ஹோட்டலில், என வேலைகளை எடுத்தும் கொடுத்திருக்கின்றோம். அவர்கள் உயர்வில் மகிழ்ந்திருக்கின்றோம். உயர வேண்டும் என ஆலோசனை நல்கி இருக்கின்றோம்.
எங்கேனும் எங்களை சந்திக்கும் போதும் அக்கா நல்லா இருக்கின்றேன் என சொல்லும் போது ஈன்றபொழுதிற்பெரிதுவர்க்கும் அன்னையாய் மனம் நிறைவு கொள்ளத்தான் செய்கின்றது. அப்படியும் எவரேனும் பாதை மாறி கஷ்டப்படுகின்றார்கள் என அறியும் போது மனம் வருந்துகின்றது.
சில பல நேரங்களில் வேலைச்சூழலுக்கு ஏற்ப மிகவும் கடினமாக கோப முகம் காட்டினாலும் அந்த க்கோபத்தின் பின்னிருக்கும் அன்பையும் அக்கறையையும் என் தம்பிகள் ஒவ்வொருவரும் புரிந்தே இருப்பர். முன் விட்டு பின் பேசும் இயல்பு என்னிடம் இல்லாததனால் பலரிடமிருந்தும் தூரமாய் இருந்தாலும் எமை நாடி வரும் இளையோர் நல்வழி காட்டப்பட வேண்டும் எனபது மட்டுமே இன்று வரை எமது குறிக்கோளாய் இருந்திருக்கின்றது. இனியும் இருக்கும்.

நிலையானதென
நினைப்பவைகள் 
தொலைவாகும் 
தொடுவானம் விலை போக
நினைவுகள் வலியாகும்
முகநூல் நட்பே முதலானதாய்
விஷவார்த்தைகள் வசமாகிடும் 
அகமனதோ தரிசாகிட

நுகம் பூட்டி நாம் தொலைந்தே போவோம். 
*****************